【8年情玩完】傳與長谷川博己分手 鈴木京香現身拒回應
鈴木京香長谷川博己
現年50歲日本女星鈴木京香,於2011年透過合作劇集《第二處女》戀上41歲男星長谷川博己,兩人曾經傳出婚訊,點知日前傳出兩人已經分手,八年情玩完。報道話長谷川近日為劇集《萬福》大部份時間留喺大阪,就算返回東京都未有跟鈴木京香會面,而兩人本已展開半同居生活,不過長谷川幾個月前開始已減少去女友寓所留宿,估計感情出現問題,而據鈴木京香朋友指兩人已經分手。
昨日,鈴木京香為宣傳新劇現身東京嘅記者會,係佢爆出甩拖後首度現身公開場合,鈴木京香全程面帶笑容,心情唔錯,現場有傳媒就問關於分手傳聞,不過佢就未有作出回應。
精選娛聞,喺晒《娛果》
http://fb.com/appledailyent
長谷川博己之前被拍到喺女友屋企附近放狗,兩人曾傳婚訊