同阿B玩車震｜細So用偷食戰車載老婆買餸 為求原諒變住家男

蘋果日報 2020/09/16 17:25

蘇耀宗陳頴楠
    蘇耀宗（細So）被踢爆背妻出軌，前年偷食KOL「阿B」，直至今年6月才斬纜。據阿B好友爆料，細So甜言蜜語冧阿B，指自己跟老婆Wing（陳頴楠）已冇感情，又話老婆唔靚，自從跟阿B一齊後，沒跟老婆發生性行為，為了跟阿B風流快活，細So租葵涌工廈做炮房，加租後即退租轉玩車震。
    被踢爆偷食後，昨晚細So深夜承認出軌，向老婆認錯獲原諒。《蘋果》連日追訪細So，發現他跟阿B分手後，似乎浪子回頭，有空就陪老婆去街，用跟阿B玩車震的偷食戰車接載老婆。8月22日約中午12時，兩夫婦離開寓所去土瓜灣，先到一間車房，逗留一會就離開，之後去了一間cafe飲咖啡，兩人似是熟客跟店員吹水，其後到九龍城買泰國食品，又拖手去街市買餸。8月25日下午2時許，兩人現身大坑，蘇太先落車到食肆搵位，細So泊車後會合老婆食粉麵，醫肚後拖手離去，表現溫馨。
    身為正印老婆的阿Wing，雖然生了兩名兒子，但身形keep得唔錯，愛着性感tube top，襯一身健康膚色和微曲長髮，外表帶點野性，完全零師奶味，可惜仍箍唔住老公。根據阿B好友爆料，當日阿B發現中了HPV後質問細So，他承認跟阿B一齊前，與另一個女仔有性行為，原來阿B並不是他的第一次偷食，出軌似是食過番尋味。
    empty
    8月22日，細So陪老婆到土瓜灣嘆咖啡。（蘋果日報圖片）
    empty
    之後到街市買餸，蘇太打扮惹火。（蘋果日報圖片）
    empty
    細So全程做跟得老公。（蘋果日報圖片）
    empty
    偷食後的細So似乎浪子回頭。（蘋果日報圖片）
    empty
    蘇太蹺着老公，表現親暱。（蘋果日報圖片）
    empty
    兩人手拖手行街，看不出細So曾出軌。（蘋果日報圖片）
    empty
    8月25日，兩夫婦又出動。（蘋果日報圖片）
    empty
    再次拖手行街。（蘋果日報圖片）
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！