已故「慈善伶王」新馬師曾（鄧永祥）於1997年4月離世，但佢屋企嘅爭產案，早喺96年年已經開始。當年祥哥仲在生，因為一啲家庭爭執，事件鬧大，引伸至祥哥遺產分配問題，祥哥一家分成兩派：祥嫂洪金梅一派、鄧家子女（包括兆尊、兆榮、小艾同碧玉）一派。

到祥哥身故後，祥嫂與兆尊四兄弟姊妹決裂，祥嫂搬離永祥大廈，雙方更為爭產對簿公堂，除咗兆尊現居嘅永祥大廈業權之外，仲有其他物業，包括位於筲箕灣楚留香酒樓兆問題等等。一時控欠租同佔用舖位，另一方又追討公司股份等等，官司打唔停。

到2003年，兆尊將永祥大廈嘅九成股權，以9,540萬賣畀東華三院，而餘下一成股權屬祥嫂所有，喺佢喪失控制權後，早已將手上股權全數捐贈東華三院。當時祥嫂得知仔女賣股權，仲話過：「咁平！乜個市好差咩？」

祥嫂同班仔女喺嗰段時間鮮有聯絡，次子兆於05年1月娶老婆，到場嘅僅有兆尊、小艾及碧玉，祥嫂未見人影，兆尊更擔任主婚人。

不過，事情去到06年有戲劇性發展，當年7月法庭判祥嫂敗訴，祥嫂需向子女交出前楚留香酒樓舖位公司股份；同年10月，小艾主動為母親祥嫂擺壽宴慶祝61歲，兆尊同兆榮都有現身，雖然當時佢哋之間仲有官司喺身，但係喺生日會上表現親厚，一家人奇迹地大團圓。

雖然祥嫂同啲仔女「大和解」，但係關係唔算好融洽，祥嫂接受周刊訪問時指自己同仔女斷絕來往係「錢作怪」，又指仔女三番四次做出唔尊重佢嘅事，但係小艾否認，話佢哋從來冇問過對方攞錢，又話和好之後對母親服侍周到；兆尊亦話自己係被動。（新聞連結： http://bit.ly/2rycaCU ）

祥嫂曾經揚言死後唔會分身家畀子女，兆尊亦話唔稀罕（新聞連結： http://bit.ly/2sNZLir ），但喺今年3月，祥嫂突然拍片表示，因演員魯芬之死令佢有所頓悟，認為名利帶唔走，所以唔會再干預4個仔女點樣安排自己嘅生活，亦已經喺律師、醫生、證人見證下寫好平安紙，指鄧家子女同洪家親人全部可以得到佢嘅遺產，仲話：「我係佢哋嘅親生母親，遺產自然會留俾佢哋。」而佢又話。」祥嫂話會以祥哥同自己嘅名義成立家族基金。（新聞連結： http://bit.ly/2n12EK9 ）