林師傑同歐陽巧瑩早前到美國旅行，歐陽巧瑩「解放乳頭」，真胸穿上吊帶牛仔褲，噚日佢哋出席大台活動，講到呢輯相，林師傑話佢操刀幫女友拍激凸性感照，協助女友支持解放乳頭運動。

佢大讚女友大膽，又有勇氣，仲令佢愛上攝影，佢仲話幫女友影咗一輯裸照私藏，歐陽巧瑩就話希望24歲留倩影，裸照係打算俾將來嘅子孫睇，佢仲話影相嗰時發脾氣，辛苦哂做攝影師嘅男朋友。