男子100同200米世界紀錄保持者，牙買加「閃電」保特，近日喺日本進行一連串活動，呢兩日就去咗日聯球隊川崎前鋒探班，仲同陣中球星小林悠並肩作戰，保特梅開二度下帶領川崎以6:0大勝多蒙特。

雖然保特唔止一次講過話想轉戰足球壇，不過今次大炒多蒙特，只不過係發生係虛擬世界裏面。保特同小林悠合作打電玩遊戲《PES》，遊戲廠商仲特別加咗保特入去川崎前鋒度，著12號球衣。保特落場梗係要對手食塵，結果佢喺場波入兩球；不過拍檔小林悠仲威，入多保特一球連中三元，結果川崎以6:0大勝多蒙特。