現年31歲嘅Morning娘前成員後藤真希前日再做媽咪，為年輕3載嘅圈外人丈夫誕下健康B仔，加埋年前所生嘅囡囡，成功湊夠個好字。

Morning娘一班舊將近期喜事接踵而來，石川梨華本月中宣佈跟棒球手野上亮磨拉埋天窗，今日新婚嘅石川梨華就偕好姊妹吉澤瞳探後藤真希，吉澤瞳仲帶住八個月大嘅乖仔，加上後藤真希一對子女都在現場，三個Morning娘再加三個Morning BB十分熱鬧，石川梨華大可趁呢次機會討教兩位舊隊友嘅湊B心得。