當年今日
關於我們

【不能只有我看到!】紅到去越南 《延禧攻略》越版試鏡選角曝光

蘋果日報 2018/10/10 18:50

延禧攻略越南版

大陸宮鬥劇《延禧攻略》自播出後,除咗喺香港同大陸爆紅外,原來喺越南都好受歡迎,而最近就有越南「Theanh28 Entertainment」喺FB專頁發放消息,指越南方面有意拍攝越版《延禧攻略》,更張貼咗一眾試鏡演員同真身嘅對比。
就咁睇,飾演越南版嘅乾隆同埋魏瓔珞,同原版嘅聶遠、吳謹言,確係有幾分相似,至於大家最熟悉嫻妃佘詩曼呢?去到越南呢,就變得成熟艷麗好多。
至於深得大家心嘅富察皇后、爾晴、傅恒、純妃及李玉等,雖然同原版唔太似,但都還可以接受,但越南版嘅「明玉」同「高貴妃」——相信各位《延禧》迷真係「唔睇由自可、一睇幾把火」,事關呢兩位嘅越版演員,佢哋兩個嘅外型真係絕到可以破壞成套《延禧》,驚嚇程度就連越南人都紛紛留言表示嚇親。
雖然呢個網站講到似層層咁,但各位放心,因為《延禧攻略》製作人于正早前已經澄清咗,表示冇賣到版權去越南,大家睇完唔好激氣,笑吓就算啦!
精選娛聞,喺晒《娛果》
http://fb.com/appledailyent