(新增回應)

「AV孝女」麥紫莉(Chili)，早排喊晒口，話要籌40萬救病母，但AV之行阻礙重重，唔係話你想瞓身，就瞓到身。(新聞連結： http://bit.ly/2vYsbDu )

不過，即使麥紫莉未必拍得成AV，但夢寐以求嘅日本之旅，將於月中如願以償。佢將會隨ViuTV 《G-1格鬥會》Season 2攝製隊，喺9月17日赴日本拍攝，G級麥紫莉將會成為第二季格鬥其中一位參賽者。

仲記得《G-1格鬥會》上一季，唔少參賽女仔都打到口腫面腫頭破血流，擁36G上圍嘅麥紫莉，到時會做人肉沙包，抑或靠天賦身材殺出重圍，過多兩個禮拜就會知。據知，喺日本進行比賽嘅10日期間，會先淘汰4人，而昔日性感女神、現有兩仔一女嘅麥家琪，今次都會戴拳套上陣。

Chili今日接受《蘋果》訪問時透露近排好積極練拳同體能，佢話﹕「想身形靚啲同減肥，仲有啲工作需要，至於係咩工作呢，就要暫時賣個關子先。」