華仔留院個半月，不少親友及圈中好友前來探望，包括率先探訪嘅譚詠麟、黃秋生、向華強夫婦、五虎嘅黃日華同苗僑偉等等。各家傳媒亦每天在養和醫院門外冒寒等候華仔出院，風雨不改，結果見到最多嘅，係定期去養和覆診嘅大劉劉鑾雄同甘比。

華仔留院這段期間，仍然十分關心社會大事，也重視每一個節日。

上月10日，港鐵荃灣線列車車廂發生導致18人受傷的縱火案，合共3女1男危殆，包括60歲疑犯，另雙腳被嚴重燒傷的15歲女生情況嚴重。病榻中的華仔翌日即手書「努力 快好起來！！！」祝福今次意外中的傷者，又寫道：「心痛昨天港鐵受傷的民眾，祈求所有傷者早日康復！ 祈求香港這個家丶少點痛苦多點愛！願世人平安、再平安！」令人感動。

至於節日，當然少不得呢兩個：情人節同婦女節！

2月11日，元宵佳節，凌晨12時09分，華仔寫道：

「家人們，
我一切都在預期中的進展、 別擔心！
今天想你們了！
祝家人元宵佳節、
團團圓圓 甜甜蜜蜜.........」

2月14日，凌晨12時45分，華仔向朱麗倩（當然，仲有一眾fans）說愛你：

「我愛你！
你肯定愛聽丶是嗎？
說一句我愛聽的話丶可以嗎？
等你...............」
仲附上一張寫住I Love You嘅圖。

3月8日，婦女節，
華仔中午貼上寫住Happy Women's day嘅圖，寫道：
「女王們......
婦女們.......
要快快樂樂
又健健康康
這樣我就愛你一萬年！！」

！！！！！！！

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。