風電類又再熱炒，中國高速傳動（658）落後到痹，買！對上星期五，華電褔新（816）等環保股熱炒。咁睇，中傳動最新PB 0.5倍，同業當中，已經平到痹。睇番本業，好似GE、Vestas及Hiach等大孖沙級數公司，都係集團風電傳動產品客戶，產品質素頂呱呱，有絕大競爭優勢。嚟緊日子，祖國亦要大搞海上風電，估計到2020年，項目將達到30GW，係家陣6倍。又祖國城鎮化，加快高速鐵路及城市輕軌機車建造，呢瓣傳動產品，亦有好大需求，中傳動肥仔水。係咁意計數，集團2013及2014年純利翻一番及半番，到2.76億銀及4億銀人仔，跌到得番9倍PE，風電類中，吸引到爆。上番同業14倍PE水位，講緊要升40%，到5蚊過外。