噚晚洗版嘅黎明X《100毛》賣咖啡廣告，黎明紓尊降貴做Boy，腦細林日曦繼續係腦細，如果黎明真係要沖咖啡，睇怕大家都好想日日同佢瘋狂飲咖啡。

不過除咗黎明，竟然有網民留意腦細林日曦....條眉，咁又係，腦細條眉又真係幾「別緻」，眉心就嚟連成一字但又斷開小小，好似斷開一節節咁，噚日本報fb報道黎明X《100毛》嘅報道，有網民留言話:「林日曦條眉真係好核突」點知真．腦細又光臨《蘋果》FB回答：」我都覺，可唔可以透露下點解你條眉能夠話咁靚溜」

網民就繼續話：「我成日忍唔著望住你兩堂眉中間嘅毛」、「有無得叫戟姐（編按:即係腦細太座thepancakes）幫你抆一抆⋯⋯」、「腦細好勤力啊～蘋果個page都覆埋」