竹內結子恐怖片曝光嚇到心慌慌
蘋果日報 2015/10/16 06:00
蘋果即時恐怖片橋本愛竹內結子殘穢~不可居住的部屋
竹內結子同橋本愛合演新片《殘穢~不可居住的部屋》，睇落好似幾恐怖。- 竹內結子同橋本愛係第一次合演。
- 《殘穢》首段預告曝光，氣氛相當之驚嚇，睇到起雞皮。
- 兩個女人夜媽媽去調查怪事，真係大膽。
- 細路女指住天花板話有嘢，仲要係日光日白，好驚。
日本女星竹內結子同橋本愛，最近合作拍攝咗一部恐怖片《殘穢~不可居住的部屋》，雖然下年先至喺日本上映，但係噚日已經有首條預告片曝光，而睇落都幾有驚嚇氣氛，令到人睇到心慌慌。
《殘穢》講竹內結子係一名作家，收到橋本愛飾演嘅讀者來信，話自己屋企成日聽到怪聲，竹內好奇之下，同橋本愛一齊調查，漸漸發現原來全幢大廈啲住客都遇到怪事，橋本愛去調查時，發現幢大廈從來都冇任何自殺或死亡事件發生，不過，查查吓發現原來怪事可能係早喺上一世紀一直帶到嚟現在。旁白仲要話：「你所住嘅地方，可能有你唔知道嘅過去！」真係雞皮都起埋。
《殘穢》講竹內結子係一名作家，收到橋本愛飾演嘅讀者來信，話自己屋企成日聽到怪聲，竹內好奇之下，同橋本愛一齊調查，漸漸發現原來全幢大廈啲住客都遇到怪事，橋本愛去調查時，發現幢大廈從來都冇任何自殺或死亡事件發生，不過，查查吓發現原來怪事可能係早喺上一世紀一直帶到嚟現在。旁白仲要話：「你所住嘅地方，可能有你唔知道嘅過去！」真係雞皮都起埋。