【本報訊】「唔好戇居居以為執到平嘢，如果購入後突然有村民彈出嚟話，你做咩喺阿公地，你根本冇聲出！」熟悉新界土地政策的立法會議員朱凱廸（圖）警告，購買這些無法將業權轉名的新界地風險極高。有律師亦提醒若發展商突然收地，或有村民向法庭提出挑戰，買家因無業權，隨時血本無歸。

對於Albert聲稱擁有該土地使用權，朱凱廸指以使用權形式買地毫無保障，買家並非業主加上無丁權，根本無法申建丁屋，最終只能用作儲物、倒建築廢料等。即使成功買得使用權，但要建屋或經營生意，必須獲得「鄉村力量」批准，「就如畀陀地，畀就唔搞你囉，但難保其他人會突然跳出嚟話你畀錯錢，塊地好多人管，要畀錢更多人。」

賣方須提供霸地證據

一般情況下，若業主下落不明，又無合法繼承人，便會變成無人認領土地，因無合法業權人簽署法律文件，故不能在市場買賣，慣例會由政府收回。朱提醒「唔好戇居居以為執到平嘢」，倘政府收地，隨時血本無歸。

梁永鏗律師則指，法律上的確存在土地使用權買賣，但賣家必須是霸佔有關土地，他可將霸佔年期售予買家，以縮短對方申請逆權侵佔時間；但賣方必須提供相關霸地證據，如舊照片、政府高空圖等。今次個案賣家卻沒提供霸地證據，梁指倘若賣家只是獲容許使用此地，「咁你買咗，就要靠自己由依家開始霸喇，夠12年先可以申請逆權侵佔！」但期間買家面對不少風險，例如有發展商收地或有後人出來挑戰，「業主又唔係你，你又冇證據抗辯，最終你呢頭買完，嗰頭就俾人收咗塊地，成筆錢咁就冇咗！」