澳門國際電影節提名名單今日出爐，惠英紅、溫碧霞同埋陳家樂均獲提名，溫碧霞憑《愛在深秋》獲提名最佳女主角，佢話感到十分榮幸，除咗感激劇組同事同埋公司嘅支持之外，更多次感謝片中好拍檔譚耀文，並笑言如果獲獎，定必分一半畀佢。

陳家樂就憑《幸運是我》首次獲提名最佳男配角，講到攞獎信心，家樂認為被提名已經係一個很大嘅鼓勵，為自己嘅電影之路打咗支強心針，得獎與否，只以平常心面對。

另外，惠英紅亦同樣憑《幸運是我》入圍最佳女主角，家樂知道之後表現興奮，又指紅姐係一個好有實力嘅前輩，拍攝期間都有提點佢，入圍絕對係實至名歸。