【學習目標】李靖筠羨慕師姐容祖兒 最怕觀眾唔識自己啲歌
蘋果日報 2019/08/12 18:10
容祖兒李靖筠章尾而
（左圖攝影：沈健程）- 李靖筠今日到商台宣傳新歌《第三顆行星》。
- Gladys稱日前與男友及朋友打邊爐慶祝生日。
- Gladys日前已去了看容祖兒的演唱會，並大讚好看。
- 歌手章尾而今日去到商台宣傳新歌《寄居生物》。
- 尾而初出道時跟雷頌德（Mark）做音樂，現在轉投新公司，她說：「自己想改埋新名有個新開始。」
英皇歌手李靖筠（Gladys）今日到商台宣傳新歌《第三顆行星》，本月1日是她的26歲生日，她與圈外男友及一眾朋友打邊爐慶祝，她說：「男友冇特別送禮物，我哋唔興送禮物，生日願望希望生日都有工開。」
Gladys笑言生日迎接又大一歲，但不會為自己定下一高目標，她說：「怕做唔到會唔開心，不過自己做每一樣嘢、過每一日都唔畀自己後悔。」Gladys指新歌講大愛及感恩，早前拍攝完一部愛情片，年尾會上映，Gladys慶幸拍攝拍拖戲，而男友不介意。
Gladys表示，之前看過容祖兒演唱會，覺得大師姐的演唱會超好看，她說：「最鍾意祖兒坐吊船同台下觀眾唱K一部分，自己好羨慕，不過如果自己呢個演出，唔知人哋識唔識得唱歌我嘅歌。」Gladys表示曾與祖兒見過面，但沒深入傾偈，她說：「佢知道我係邊個，佢好勁，佢見過嘅人都記得叫咩名。」
另外，歌手章尾而（原名張美儀）今日去到商台宣傳新歌《寄居生物》，尾而初出道時跟雷頌德（Mark）做音樂，現在轉投新公司，她說：「轉咗新公司，自己想改埋新名有個新開始，自己跟Mark嘅時候，仲讀緊書，18、19歲，而家22歲，原先諗住進修，但接觸多咗音樂監製，自己想邊做邊學，做音樂編曲、後期製作等。」尾而指今次新歌曲及詞均由自己寫，她在新公司推出第2首歌，她指之前出第1隻歌的時候，有告知雷頌德，她說：「Mark有叫我加油，自己希望多啲新嘗試唔同嘅歌曲類型，自己有好多做音樂嘅諗法，預計今年會出1隻5首歌嘅EP碟，希望投放多啲自己 嘅想法去做音樂。」
採訪：張明
攝影：沈健程
攝影：沈健程