樓南光同李楓今日喺沙田出席港台節目《樂齡帥靚正》啟播禮，兩人分別去日本7、8日，探討當地嘅老人退休生活，睇下政府同當地嘅機構點樣幫老人家繼續工作。樓南光話：「希望可以每香港人有啟發，因為香港人都面對老人問題，o依家好大鑊。」

李楓就係首次到訪日本，佢坦言細個聽到日本仔打中國，對日本印象唔好，不過去完呢次改觀好多：「成個國家好乾淨、啲人有禮貌又正能量，好嘅野大家就要學。」

佢哋仲大讚日本嘅美食，樓南光話自己喺日本返黎瘦咗20磅：「以前我食嘢係食個份量，今次去到日本學識咗食味道而唔係份量。返嚟香港之後我開始食營養餐，o依家大概3、4個星期，已經減咗20磅，嚟緊仲會拍啲飲食節目。」

精選娛聞，喺晒《娛果》
http://fb.com/appledailyent