36歲香港先生袁偉豪，呢排同女友張寶兒蜜運正濃，早排佢哋就俾人影到戀戰沖繩(新聞連結： http://bit.ly/2fnBPdb )，戀火燒滾我的心嘅袁偉豪，去完熱辣辣嘅沖繩，今日就趁住食夏天嘅尾水，去咗轉三門仔滑水。

雖然近年忙拍劇接廣告，不過袁偉豪話晒係前香港先生，啲腹肌呀、胸肌呀，每一嚿都仲keep到，副「架生」依然有睇頭。而睇佢滑水嘅動作，亦有姿勢有實際。佢喺IG留言話：「白天的是白天做！」再Hashtag「好好建立自己的生活 」、「好好建立自己的興趣」，咁陽光健康，抵女友讚佢係好男仔。