【2013年娛圈大事回顧】 本土電影日劇翻生靠網絡發圍?
蘋果日報 2013/12/27 06:00
今年咁多好戲/片，你睇過幾多部?- 《狂舞派》，連發哥都讚好。
- 柒良同阿花，睇得觀眾開心。
- 化骨龍?賤輝已經令無數男士臣服咗!
- 勁!（《Jet》相片）
- 《殭屍》除咗玩懷舊，仲有機會俾一班老演員再受注目。
- 鮑姐實力，唔使講。
- （《Jet》相片）
- 《半澤直樹》，今年唔睇真係冇話題。
- 依家好多人都識咗堺雅人!
- 你對上一次為咗夢想做得好盡，係幾時?
今年可以話係香港本土電影發圍嘅一年，仲要不以「低俗」掛帥，以熱血，類型片跑出自己風格，靠網上口碑口耳相傳，喺票房創造佳績。
好似《狂舞派》、《激戰》、《殭屍》等，不為中港合拍片所限制，觀眾層面清晰，其中《狂舞派》更加可以話係奇蹟，由當初只得幾間戲院上映，宣傳欠奉，但靠網上blogger以及網民口碑，喺fb及各大討論區介紹，形成一鼓風潮，之後慢慢愈來愈多戲院上，最後票房接近1400萬港元，女主角顏卓靈更加被提名金馬影后，電影亦奪得不少獎項，真真正正係「加倍奉還」。
麥浚龍(Juno)首次執導電影《殭屍》已經大放異彩，雖然過往監製幾部電影口碑票房都仆直，不過今次Juno親自主理佢鍾意嘅殭屍題材，果然得心應手，香港票房更直迫1800萬，認真犀利。
而《激戰》就仲勁，票房超過4000萬港元，之前彭浩翔創造咗一條「低俗」公式，好似代表咗香港本土電影，《激戰》證明咗香港人唔一定只係鐘意睇「低俗」，揮灑熱血，為理想可以去得好盡，只要係好電影，香港人都會支持。
靠網絡又何止港片，互聯網令全球一體化更快推進，日本劇集低迷多年，今年終於有一套《半澤直樹》狂收，口碑收視皆好，更掀起中港台追睇《半澤》熱潮，依家人人一部智能手機都可以睇劇，又何需執迷於膠劇玩photohunt?
好似《狂舞派》、《激戰》、《殭屍》等，不為中港合拍片所限制，觀眾層面清晰，其中《狂舞派》更加可以話係奇蹟，由當初只得幾間戲院上映，宣傳欠奉，但靠網上blogger以及網民口碑，喺fb及各大討論區介紹，形成一鼓風潮，之後慢慢愈來愈多戲院上，最後票房接近1400萬港元，女主角顏卓靈更加被提名金馬影后，電影亦奪得不少獎項，真真正正係「加倍奉還」。
麥浚龍(Juno)首次執導電影《殭屍》已經大放異彩，雖然過往監製幾部電影口碑票房都仆直，不過今次Juno親自主理佢鍾意嘅殭屍題材，果然得心應手，香港票房更直迫1800萬，認真犀利。
而《激戰》就仲勁，票房超過4000萬港元，之前彭浩翔創造咗一條「低俗」公式，好似代表咗香港本土電影，《激戰》證明咗香港人唔一定只係鐘意睇「低俗」，揮灑熱血，為理想可以去得好盡，只要係好電影，香港人都會支持。
靠網絡又何止港片，互聯網令全球一體化更快推進，日本劇集低迷多年，今年終於有一套《半澤直樹》狂收，口碑收視皆好，更掀起中港台追睇《半澤》熱潮，依家人人一部智能手機都可以睇劇，又何需執迷於膠劇玩photohunt?