韓國女團AOA人氣成員雪炫早前擔任tvN王牌節目《一日三餐》嘅嘉賓，節目將於聽日播出最新一集，繼上周播出雪炫部分預告短片後，製作組今日再度率先公開聽日嘅內容。

素顏現身嘅雪炫甫現身時，Eric、李瑞鎮、尹鈞相等人雖然有啲尷尬，但三位Oppa都好照顧雪炫，Eric問午餐食咩時，尹鈞相就開玩笑叫雪炫下廚，更表示「近期都係嘉賓煮嘢食」。而雪炫亦冇有怕，充滿自信地切菜、揉麵團，但慢慢開始反問返李瑞鎮等人啲材料應該要落幾多，搞到三位Oppa勁不安，喺煮湯嘅期間，雪炫更直言「唔夠味嘅話落味精(MSG:Monosodium Glutamate)咪得囉」，引起爆笑，令觀眾相當好奇雪炫煮嘅午餐到底成唔成功。