當年今日
關於我們

【韓流】朴有天效應!《看見味道的少女》內容實力比《無限挑戰》更高

蘋果日報 2015/05/19 06:00

蘋果香港韓國即時朴有天無限挑戰申世京劉在錫看見味道的少女內容實力

由韓國男星朴有天同女星申世京主演嘅SBS新劇《看見味道的少女》雖然喺開播前因為女主角嘅演技關係而不被觀眾看好,但劇集現時播到第14集,收視漸漸有所好轉之外,近日仲被大讚內容實力指數極高,更超越埋「國民綜藝節目」《無限挑戰》,認真巴閉。

近日,韓國收視率調查公司NielsenKOREA同CJE&M就公開咗5月第一周內容實力指數(CPI)嘅排行榜,當中由《看見味道的少女》就以253.6嘅CPI指數成為冠軍,而由「國民MC」劉在錫主持嘅人氣綜藝節目《無限挑戰》就以253.0排第二,至於節目《蒙面歌王》就以251.6排季軍。

據知,NielsenKOREA同CJE&M喺本月4日至10日就針對三大電視台進行調查,分析認為,由於劇情緊湊,而且朴有天為首嘅主角們擁有實力嘅演技,令劇集一舉趕超曾連續四周位居調查第一嘅《無限挑戰》。

對此,網友都紛紛將功勞畀晒朴有天,仲留言話:「朴有天演嘅電視劇真係百看不厭」、「希望劇集喺更多國家播出」等等。

另外,劇組今日亦有公開朴有天喺片場練劇本嘅新相。