當年今日
關於我們

網民晒大S汪小菲童年照 連汪小菲本人都冇?

蘋果日報 2014/01/21 06:00


37歲嘅大S徐熙媛已經懷孕五個多月,雖然佢一直對胎兒嘅性別一直三緘其口,但係之前佢老公汪小菲就忍唔住露咗口風,喺微博留言話:「三十三歲,喜得一子……」似乎暗示大S懷馬仔。

兩夫妻好開心咁迎接馬寶寶,但大S嘅粉絲就喺微博,分別放咗大S同老公汪小菲嘅兒時照片,仲興奮話:「大家說說,汪S的小寶貝是更像左邊這個小帥哥呢,還是更像右邊這個小萌妞?」奇就奇在連汪小菲本人都無呢張童年相,啲網民厲害嘅程度連佢都忍唔住留言:「您太有心了,我都沒有這個照片。」估唔到佢夫妻倆細時都係短髮,面形重有幾分相似,難度呢啲就叫夫妻相?