粗口啤酒，睇波必備，世盃Fans更不能少。英文的Shit，Fxxk，Damn跟廣東粗口相比總算斯文，再粗大不了加多一句「xxOff」，與我們比較，就是一般女Fans的「挑，那聲！」便更傳神。一場十幾個射門食白果，會不會讓睇波者那那有聲？

省城人沒有歧視女性

最過癮是舊時聽波，講波佬情不自禁，衝口而出：「佢老母！」情切，沒佢老母澆澆水，涼涼氣，谷到肚脹有損健康；一般情況，鬧完粗口，照理犯廣播條例，講波佬把聲卻繼續在下場波出現；睇波跟粗口，人之常情。
最過癮在廣州睇波，省城人的粗口雖然沒有香港人的新款與刁鑽，妙在男女同講，絕對沒有不平等及歧視女性行為。平常街坊街里幾個阿姑阿嬸，巷口閒談便你乜佢又乜……就像你好嗎？問候你媽媽一般親切。
朋友為配合世盃新開的pizza店，在珠江邊三個高檔小區中間，來捧場的朋友明星、名模、教授、醫生、外企主管、企業CEO……總之唔睇小得，平素斯文有型有名，人人手執樽裝TigerBeer、青島、喜力，咬着pizza，本來嘻嘻哈哈，來到大哨5分鐘打低加納，歡呼聲夾雜佢老母好犀利！
鄧達智
以出色品味穿梭時裝界，對足球，自有一番獨特見解。