日本女星有村架純主演NHK晨早劇《雛鳥》，以1964東京奧運為故事舞台，劇集將於本周六大結局，《雛鳥》收視後段越嚟越好，已經連續57集獲得超過20%收視成績，令有村架純躋身國民女星之列。年度除夕盛事《紅白歌唱大比賽》將會於下月決定司儀名單，更有傳有村架純受《雛鳥》帶旺有望連續兩年任紅組司儀。

而趁住《雛鳥》即將大結局，集英社為有村架純推出咗一本劇集紀念寫真，除咗收錄劇照，仲有有村以劇集背景嘅60年代造型拍攝嘅靚相，以供粉絲收藏。