台灣歌手、44歲嘅張震嶽同老婆小涵拍拖7年，今日兩人順利添丁！張震嶽老婆小涵噚晚喺醫院待產，張震嶽喺ig story度話，帶埋枝香檳去醫院，等老婆「卸貨」之後再慶祝，結果寶貝仔要到今朝6點先出世，約有6磅重。張震嶽透過所屬公司本色音樂回覆台灣傳媒時話：「（太太）不辛苦，做無痛分娩，產程約半小時，比便秘再用力一點。」初為人父，佢話當下見到囝囝出世心情興奮：「喜悅溫暖，好奇新鮮。」

屋企有新成員，張震嶽呢個星期會陪家人，下星期要返去錄《中國新說唱》，之後先有時間陪伴妻兒。小涵好友A-Lin就透過經理人表示：「很替她開心，恭喜她升格做媽媽了！」

精選娛聞，喺晒《娛果》
http://fb.com/appledailyent