韓國元祖偶像男團「水晶男孩」38歲主唱姜成勳原定本月8日及9日喺台北舉行粉絲見面會，不過活動舉行前就傳出疑因銷情欠佳，令活動突然喊停。（相關新聞連結： https://bit.ly/2Mjwtxx）當時台灣方面嘅主辦就表示係韓方代表未有應約，令主辦無法為台騷做準備。主辦就因為姜成勳單方面毀約而承受約1億韓圜（約70萬港元）嘅經濟損失，向姜成勳提出起訴。

姜成勳除被指毀約而遭起訴外，佢更跟粉絲團嘅負責人A某傳緋聞。有粉絲表示A某不僅跟姜成勳一齊去海外參與姜成勳嘅海外行程，甚至更跟姜成勳同住一間房。

姜成勳隨後於粉絲團嘅網站，否認跟A某嘅緋聞。而姜成勳所屬嘅YG事務所未就姜成勳嘅緋聞做出回應，不過就表示姜成勳嘅台騷係另外獨立準備，但YG都會盡力了解所有問題，並盡快解決事件。

更多韓流，喺晒《娛果》
http://fb.com/appledailyent