資深投資者林子峰今日出席中原工商舖新春團拜，早年從領展(823)購入的商場逐個進行翻新，其中大埔運頭塘邨商場斥資約6,000萬至7,000萬元翻新，工程已近尾聲，由於過去部份舖位丟空，翻新後若全部舖位租出，租金收入將上升40至50%。租金將較翻新前上升20%，盡量保留現有租客。下一個翻新商場將會是上水天平商場，預計翻新費用與大埔運頭塘邨商場相若。

最近他與「磁帶大王」陳秉志合共以約9.5億元向新世界(016)購入觀塘駿業街全幢工廈，預計今年9至10月獲批入伙紕，到時才決定點做。他稱，今年主要睇好工廈及寫字樓，尤其是東九龍及港島區，預計投資額約70至80億元。目前有幾幢物業磋商中。

反而睇淡舖市，在本港有零售業務的他坦言：「零售業好返好多，與去年同期比較，好咗10至20%。但就算好咗，都唔會跑得好快。到零售真係回升，到時追貨都未遲。」最新他就沽出兩個舖位。

蘋果財經，關心你飯碗
http://fb.com/appledailyatm