張天愛有過四段婚姻，四個不同的男人，有富商、有演員，包括首任丈夫是外籍髮型師Anthony，第二任丈夫是思捷環球前主席、即林青霞現任丈夫邢李㷧；第三段婚姻，是資深大律師胡漢清，與及第四任丈夫羅素。有冇任何一段婚姻是揀錯？「四段婚姻都冇後悔，我嫁俾佢哋，我好幸福！」

她指許多男人搵老婆，其實是搵一個專業湊仔煮飯、看屋孝順父母的太太：「佢哋要搵嘅係一個專業太太，成日要一齊，一年365日，加埋得幾多分鐘？一半就瞓咗覺，再一截就刷牙洗面，得番嗰25%，每年仲有聖誕、過年、復活節，嘩，咁我邊有時間做自己嘢？」

「係，我好似好自私，但係，我自己認命，我係一個專業演員、專業舞蹈家，我要做好我自己嘅專業，我有自己嘅使命要做，我嘅能量就係喺外面工作、幫人。」困不住一顆自由與有使命的心，離婚變成最終一步，坦白的張天愛說：「And我唔係好孝順，我只可以孝順我爸爸媽媽、哥哥家姐，已經好唔得閒。」一個家庭一個新文化，Flora直認：「冇時間去適應。」

追求者依然多，張天愛承認有拍拖，但就算再有人求婚，她都不會say yes：「唔會考慮，等如你book枱食飯，你可以唔出現，打電話cancel；但結婚係等如你食完飯，但你唔埋單，咁好似食霸王飯咁。」

「結婚其實唔係啱每一個人，21世紀喇，我覺得，唔好咁傳統，要前衛啲。傳統唔係唔好，但唔可以乜嘢都係好傳統。要有一種先見，就係，自知之明，我唔係行呢個路線。」「好多男仔搵老婆，幸福嘅呢，就係個老婆一定要喺度做多過個男人嘅，我嘅能量就喺出面做嘢，幫小朋友，好多小朋友冇爸爸媽媽冇屋企，我嘅任務就係咁。」

【閃耀人生女人心－張天愛(2)】
離婚4次 被求婚50次：最終唔啱都冇法
http://bit.ly/2G2qMCr

【閃耀人生女人心－張天愛(1)】
有個猛料公職王父親 門口點解掛三盞燈？
http://bit.ly/2Fpt40E

精選娛聞，喺晒《娛果》
http://fb.com/appledailyent

採訪：林妙萍
攝影：郭賢興
攝錄：林德雄、李祉澄