英國近期多咗好多古靈精怪嘅求愛真人騷，每個騷都不乏裸露、性愛場面，意識好不良。最近英國電視台Channel4推出全新裸體求愛真人騷節目《NakedAmbition》，標榜參加者可以透過望其他男士或女士裸體去選擇求愛對象，節目唔會打格仔，觀眾都可睇到參加者嘅裸體。

求愛經過都相當奇怪，求愛參加者首先會有6個裸體人士選擇，有男有女，不過見唔到裸體人士嘅樣。參加者每一輪都會淘汰自己唔愛嘅body，被淘汰者會行出來與參加者擁抱。最淘汰剩下兩位裸體人士，參加者自己都要剝光豬，三人赤裸裸面對面，最後參加者會選擇心意對象一齊離開。

參加者嘅心態係認為每人光鮮衣著下都收埋咗唔見得人嘅秘密，一開始就赤裸裸相處可以增加互相信任程度。

據英國《太陽報》報道，《NakedAmbition》一集48分鐘內，出現咗282次鏡頭影住男性下體，96次鏡頭影住女性下體，觀眾每分鐘都見到5個陽具及2個陰道。節目晚上10點播出後接45項投訴，唔少網民都話呢個節目係電視史上最低俗。