天水圍東華三院李東海小學女教師疑不堪工作壓力，周三（6日）在校內跳樓身亡。東華三院主席王賢誌向《蘋果》透露，該校校董會將於下周一（11日）召開緊急會議，通過獨立調查委員會名單，預計委員會大約會由6至7名來自不同界別的獨立人士組成，「同我哋東華完全無關係嘅」，但由於校董會尚未通過委員會名單，故暫時未能透露具體名單。

王賢誌表示，在研究獨立調查委員會如何組成時成員有加有減，「都要人哋得閒，又肯做先得」，但他形容事件急切，「係要快，我哋唔可以拖件事拖太耐去調查。」王又稱，委員會成員與東華三院無關係，「如果有關係，大家又可能會覺得，會唔會有啲偏頗或者唔公正。」他強調希望公平公開公正處理事件。

王賢誌續稱，他明日會到學校跟教職員和家屬見面，所以不想在此刻說太多，「而且你哋今日已經講好多嘢，我亦都因為你哋今日咁多報道，有更多嘢要處理，所以我應該無時間答你其他問題住。」

東華三院企業傳訊處在事發當天回覆傳媒查詢時已稱，李東海小學校董會會成立專責小組深入了解及跟進今次事件，並在東華三院總部協助下與家人及學校持份者作適時溝通。

記者 鄧力行

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef