出名樣靚身材正嘅美國謝茜嘉艾芭（JessicaAlba），自從榮升索媽之後都keep住勁弗身材，今年上映嘅《罪惡城2：蛇蠍情人》（SinCity：ADametoKillFor），佢扮演艷舞女郎都有大晒身材。最近謝茜嘉為拍攝動作新片《Mechanic：Resurrection》，就喺泰國接受地獄式訓練，近日仲喺Instagram公開操練片段。

謝茜嘉同好友趁空檔喺當地鬆一鬆，着住比堅尼嘅佢拖住好友齊齊跳起合照，不過眼利嘅網民就發現謝茜嘉瘦咗好多，佢嘅肋骨更係相當凸出，上圍都好似縮埋水，擔心佢因為要趕戲而影響健康。