近日正趕拍韓版《犯罪心理》嘅30歲女星文彩媛，早前被一名自稱係其男友嘅網民留言詆毀，該名男網民稱與文彩媛自2015年3月起拍拖，又稱曾與文彩媛發生關係，要求文彩媛對外公開兩人嘅關係，而文彩媛方面於今年4月發聲明指對方嘅舉動已經超出可以容忍嘅限度，並決定起訴該名網民。(相關新聞: http://bit.ly/2w8zDNk )

文彩媛方面以名譽損毀為由控告該名自稱係「文彩媛男友」嘅白姓網民，負責案件嘅水原地方法院今日對案件進行審訊，法官指白姓網民發佈虛假消息令演員造成精神傷害，係嚴重嘅名譽損毀行為，不過考慮到白姓網民認罪及反省，而且大部分網民都唔相信白姓網民嘅言論，所以判處1年有期徒刑，緩刑2年執行。不過有唔少網民不滿判刑，表示「已經係嚴重嘅名譽損毀行為，點解仲要緩刑？」、「只要佢呢兩年唔犯罪，咪即係等於免除刑罰？到頭來都係受害者受傷」、「應該要去精神病院！」等。