於1999年以韓國7人組合Click-B出道嘅男星金相赫，組合成員各自分開活動後活躍於綜藝節目。而現年34歲嘅金相赫早前開始健身操減肥，據知佢花咗短短6周就減咗26磅，近日仲大騷朱古力肌幫雜誌《bntnews》影新相，令網民大感意外。

而金相赫及後受訪時就提到Click-B嘅隊友：「就算已經出道咗18年，但成員之間嘅感情依然好好，亦會經常見面食飯。」對於Click-B幾時再合體，金相赫就表示只要有適合嘅機會都想再次一齊活動。