元朗錦綉花園9日內至少發生6宗爆竊案﹝ http://bit.ly/2dVx1K3 ﹞，有賊匪甚至無視屋內有人，斗膽入屋爆竊，令屋苑居民人心惶惶。住客周太坦言，與街訪在facebook群組傾談時，知悉有爆竊匪在逃，即亮起花園電燈，「真係好擔心，冇乜點瞓。」

周太憶述指，今年5月底，她曾與竊匪「擦身而過」。當晚在屋苑市中心，與家人食完晚飯，擬搭邨巴返家。其間見到一名蓄平頭裝的男子，「見佢企喺度周圍望，成身大汗，睇落似國內人，於是用普通話同佢講，但佢冇認人，走上車後，又衝返落車。」周太其後由新聞知悉，對方隨後被警方拘捕，並在他身上撿獲螺絲批等爆竊工具。

想睇最新消息？　即時follow【現場－蘋果突發】 fb！ http://fb.com/applecitycrime