省港盃賽事傳統上，是由主隊協會派遣球證。今仗香港主場，自然用上香港球證，惟今仗執執法的劉晃熙未有為港足帶來「主場之利」。

廣東踢法硬朗，不時有較過火的攔截。不過，劉晃熙今仗執法比較寬鬆，全場只出示四面黃牌，港足和廣東各兩面。其中廣東的廖均健在完半場前被陳俊樂壓贏後，從後踢到樂仔，惟劉晃熙網開一面，未有向廖均健出示黃牌。另外，陳志釗在下半場亦有一次粗野攔截，惟劉晃熙亦沒有向已領一面黃牌的陳志釗出示第二面黃牌，廣東隊教練陳玉良亦立即把陳志釗換走。

另外，李毅凱在下半場亦有一次從後攔截，打斷廣東反擊。這記攔截惹起廣東球員不滿，雙方爆發衝突，最終李毅凱和廖均健同被罰黃牌；賽後廖俊輝被問到球證執法時拒絕回應。

網民反應：
Chucky Lee：「球證執法好有問題，完全控制唔度場面，下半場兩邊球員無再大既激烈衝突已經算係球員克制。」
Katy Siu：「球証衰，對手矛，唔公平，失盃，都唔緊要。因為，呢班後生仔比香港球迷見到希望！」
Jacky Cheng：「贏輸其實冇所謂，但個球證真係離譜到爆，同直接做個賽果冇分別！」
Luis Suárze：「啲人成日話我哋輸波賴球證，但今日真心我哋今場都叫撳住廣東嚟打，係輸在汪嵩球罰球，但係如果球證有畀紅牌廣東，咁成件事就唔同咗好多，所以今場都係關球證事。」
Fong Jelly：「今次省港杯輸俾黑哨好嬲，不過年青球員表現到自己。」

資料來源：Facebook