吳奇隆日前宣佈期待家庭新成員出世，原來老婆劉詩詩已懷孕5個月，今胎陀男B，預產期係明年5月，劉詩詩目前全面停工、安心養胎，而「愛妻號」吳奇隆上周二陪劉詩詩喺台北美麗華百貨附近美食廣場一間麵包店買嘢食，當時兩公婆戴住帽同口罩，劉詩詩着咗一件長及腳踝嘅鬆身褸。

大陸歌手葉青噚晚喺微博貼出閨密合照，幾個女仔一齊歡度聖誕，留言：「生活充實…(逛到腿軟)。」有眼利嘅網民憑眼神認出合照中排最尾舉起V字手勢嗰個人就係劉詩詩，見佢戴住黑色漁夫帽、灰色口罩，包到實一實，只係露出一雙眼，估唔到咁都被人認到，未知係唔係見留言被瘋傳，葉青最終刪走留言。

精選娛聞，喺晒《娛果》
http://fb.com/appledailyent