大台處境劇《愛．回家之開心速遞》在昨晚播出一集，講述飾演「細龍生」的鄭世豪與楊埕飾演的「車厘子」在車廂內有親密舉動，全程被司機拍下，其後片段最後還放到地下拍賣會，「大龍生」羅樂林得悉事件後，安排「龔燁」張景淳和「熊若水」呂慧儀出面拆彈，可惜最後被其死敵「大陳」以3,000萬投得，故事內容與早前「安心偷食」事件雷同，惹來不少人討論。

「安心偷食」被爆當日，許志安開記者道歉時表示自己是一個「壞咗嘅人」，《愛．回家》今晚播出這集承接昨晚內容，講述「細龍生」為偷食事件鞠躬認錯，表示自己是「臭咗嘅男人」。「龔燁」和「熊若水」拆彈失敗，「龔燁」本來將事件推落「車厘子」身上，令「細龍生」變成一個受害者，誰不知「熊若水」說：「你好得人驚呀，賤到好得人驚，冇理由將所有嘢推落個女人度，而家Max（細龍生）冇責任咩？牛唔飲水邊㩒得牛頭低呀！」「龔燁」直言自己只是滿足老闆要求而行事。

結果影片在網上瘋傳，「細龍生」向老婆解釋：「我終於記得嗰晚發生乜事，我係自己一個人落車，自己返屋企，Cherry根本唔喺架車度，最多係錫錫！跟住之後乜嘢都冇發生過。」「細龍太」當然不接受，並狂鬧老公：「你玩都算，可唔可以唔好咁低俾人影到，真係好丟架，好失禮呀！啜到慾火焚身，我唔信乜事都冇發生囉！」

後來「熊若水」聽到「細龍生」的說話，亦有所動搖，言談間她發現當晚的車程有20分鐘，不過網上流傳的版本只有12分鐘，即是有8分鐘片尚未曝光，在巧合下，「熊若水」發現當晚call車的司機原來是「細力」。本來「細龍生」打算開記者會，他不單化了一個老妝、準備好道歉宣言，還打算在記者會上聲淚俱下，鞠躬道歉直認：「我辜負咗所有愛我嘅人，我係一個臭咗嘅男人！我會暫停所有手頭上嘅工作。」「龔燁」和「熊若水」及時趕到，將8分鐘片段曝光，原來「細龍生」是趕Cherry落車，直言自己有老婆，不會做對不起老婆的事，最後叫司機送他回家，不過他坦言犯了罪，去警署自首，原因是當晚沒有戴安全帶。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX