滕麗名、劉丹（丹爺）、周嘉洛及吳偉豪今日到將軍澳為運動用品專賣店舉行揭幕儀式，四人合力踩單車亮起燈牌，見阿滕沒有發力，走路時更一拐一拐小心翼翼。

她解釋六月初在貴州拍攝電影《尋秦記》至尾聲時，左右腳不協調，一隻腳踏在原地，另一隻腳擘開，不慎整傷導致右腳膝蓋韌帶撕裂，幸她的電影戲份已經完成，之後接住返香港繼續拍攝處境劇。

由於近日《愛·回家之開心速遞》 傳受製作部影響分分鐘會煞停，問到阿滕會否因傷而停工？她敏感地回應：「冇，我都照開工，希望劇組可以寫一啲係我跛咗情節，可以坐輪椅拍攝，之前請咗一個月假去拍《尋秦記》已經好唔好意思 。」阿滕亦大讚劇組對她貼心照顧，準備好腳架、枴杖等所需用品，日內會徵詢醫生意見何時進行微創手術，希望手術後可以繼續開工。

丹爺在旁澄清《愛·回家》並非停播：「《愛·回家》俾人話停拍可能係阿滕呢件事，令大家誤會，我睇報道高層李寶安都話胡說八道， 冇可能，只係阿滕要休息幾日啫。」阿滕說：「相信唔會停拍，因為我假期已經攞到下年，準備去滑雪，如果係停拍停播，我唔使攞假啦。」
-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9