【百忙抽空】余文樂飛法國前為老婆賀壽 王棠云:幸福的我
王棠云余文樂
余文樂去年12月娶妻,成功將台灣模特兒兼演員王棠云(Sarah)私有化,今年五月更榮升人父,囝囝Cody出世後,樂仔不時都慈父上身,在社交網貼湊仔照。噚日係Sarah 30歲生日,由於老婆生日要飛到法國工作,樂仔前日特別為老婆喺台灣搞咗個驚喜生日會,仲喺社交網貼蛋糕相及留言冧老婆:「你的生日我會在飛機上,先跟你說生日快樂,希望你喜歡提前為你慶祝的生日。」
樂嫂Sarah今日喺Ig貼咗當晚嘅生日飯相片,包括樂仔手抱囝囝Cody,同王家上下影嘅大合照,另一張就係兩公婆嘅甜蜜合照。而Sarah返台灣娘家慶祝生日後,噚日已經返回香港,樂仔家人就接力同佢慶祝生日,齊齊去食雞煲。
雖然老公唔喺身邊,但Sarah依然笑得好開心,仲留言話:「幸福的我,有老公精心準備的一切,有姐妹無敵助攻,有家人提前給我驚喜慶祝,回到香港也有家人幫我慶祝,還有生日雞可以吃,讓我在香港也不孤單,謝謝大家這樣對我,真的滿滿的感謝。」佢又話:「現在就希望生活簡簡單單,懂得知足就會快樂,珍惜身邊每位真心相待的家人朋友,然後小孩平平安安健康長大,謝謝每個愛我的人。」
精選娛聞,喺晒《娛果》
http://fb.com/appledailyent
樂仔日前陪老婆返台灣同家人食飯,提早慶祝生日。(ig圖片)
噚日正日生日,王棠云喺香港同樂仔父母、樂仔妹妹等一家人慶祝。(ig圖片)