林奕匡在銅鑼灣接受姚浩政同前亞姐程瑤喺一家網上平台搞嘅節目《明星薈館》訪問，講下林奕匡人生嘅10年，林07年入行，講到10年回顧：「睇相當年好GREEN，來港時滿懷希望，好有信心，邊有咁簡單，都係令家人失望同擔心，之前開騷家人都有來睇。」林奕匡話媽咪見佢低潮，都想過叫佢放棄：「好彩依家幸運搵到事業落腳點。」

林奕匡下個月溫哥華舉行婚禮，今個月影婚紗相，佢話：「香港影啲，8月返加拿大再影，都係太太負責，已經籌備6、7成。兄弟團問我著咩衫，我都話係老婆話事，佢OK，我OK。」

至於主持人程瑤，係二十幾年前參加亞姐，佢話：「18歲參加，屋企對佢好緊張，溫室長大，想參加對屋企強烈要求，不過，傳媒難應付，所以當時無即刻係呢行做。」近年佢做咗「仁美清叙」主席，話想幫青少年，搞好多學校講座。