變形俠醫2.0｜費托狂操肌又大隻咗 小背心現真身強勁手瓜打死人
蘋果日報 2021/03/01 15:12
費蘭度托利斯馬德里體育會變形俠醫
效力過利物浦同車路士嘅西班牙靚仔前鋒費蘭度托利斯，上個月出鏡幫東南亞線上博彩網站做代言大使，點知咁耐冇見「王子」，居然大隻咗咁多。現時喺馬德里體育會B隊做主教練嘅費托，過去一個月繼續密密操肌，周六佢同粉絲分享自己做gym嘅成果，結果着住「小背心」嘅佢又大隻咗，一對手瓜就快粗過你大髀！
36歲嘅費托上個月以健碩身型亮相廣告短片，就令唔少球迷非常驚喜，當時佢已經幾乎撐爆件polo恤，今次着背心做gym現真身，睇落真係同變形俠醫有得揮。費托周六分享咗自己喺健身室操肌嘅相，第一眼已經畀佢嘅手瓜搶晒fo，成個上半身都練到肌肉澎湃，有球迷都留言話「費托同冇着衫冇乜分別」、「佢係咪要轉行打拳」、「又大隻咗喇」。
疫情期間四圍都封城，公共健身室亦都要暫時關閉，但據講費托喺西班牙首都馬德里擁有唔少私人健身中心，就連前隊友迪亞高哥斯達都會嚟借用佢嘅設施操練，難怪費托掛靴之後，會仲大隻過球員生涯嗰時！
-----------------------------
新一年要學識理財呀
你不理財，財不理你，新一年邦民會繼續成為你財政上嘅強大支援！只要喺2021年3月1日至2021年3月31日期間新客戶首次提取貸款，可即場獲賞現金高達港幣$3,500▲！
利用轉數快，即使足不出戶，都可以實現貸款瞬間過數^，星期日都照批★！。
推廣期由2021年3月1日至2021年3月31日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！