余文樂上年同台模王棠云結婚，即有傳王棠云有咗，預產期今年6月，自從有指樂嫂懷孕，佢放上網嘅相，亦刻意遮肚，早前樂仔仲喺IG分享「一家三口」嘅合照，唔知佢講嘅係相中嘅愛犬，定係太太肚裡嘅「BB」呢!

樂嫂王棠云近日孕味十足，出入多數穿着平底鞋同波鞋，噚日佢喺IG貼出單人相，留言：「好活潑的觀光客照。」相中見佢剪掉留咗近廿年嘅長髮，換上清爽短髮look，佢更晒出微凸肚，唔知係啲衫俾風吹起，定係驚現凸肚。