身兼學生和模特兒的「邦民女」陳嘉寶（Anjaylia），功課和工作忙個不停，早前她趁有幾天假期往泰國旅行叉電。Anjay可能一直要兼顧學業和工作，訓練有素，故她shopping的戰鬥力超強，她可以由上午一直逛街至晚上，足足12個鐘，腳骨力認真厲害。
雖然Anjay腳骨力十足，但難得到出名按摩的泰國，她逛街之餘亦抽空去按腳嘆一嘆。Anjay此行亦首次做spa，未嘆之前她已被店舖的花園吸引，她形容十足置身世外桃園，不過Anjay亦自爆瘀事說：「因為今次係我第一次做spa，我唔知按摩師會幫我按胸，所以當佢一按時嚇到我大叫一聲，連佢都俾我嚇到彈開，之後大家互望都忍唔住笑。」名副其實大鄉里出城。

狂擦泰國菜

Anjay表示有天先逛Weekend Market，之後晚上再到Night Market，依然孩子氣十足的她，甫見現場擺放一隻熊公仔，即忍不住上前合照。她亦趁機品嚐泰國美食，如當地特色粉麪及沙津，Anjay說：「原來喺泰國食日本菜好新鮮又抵食，當中最好食都係啲蝦，又大隻又鮮甜。」
採訪：丁寧