由韓國新一代男神宋仲基、蘇志燮、黃政民、李貞賢等人主演嘅新片《軍艦島》，將於下月喺韓國上映，香港亦定檔於8月10號上映。由於《軍艦島》講述400多名韓國人被騙到軍艦島做煤礦奴隸，及後先被獨立軍人領袖救出，所以拍攝時要突顯做奴隸時嘅辛酸，一眾演員都刻意減磅。

片商透露蘇志燮為電影減咗8.8至11磅，至於女主演李貞賢更為新作減到只有80.3磅，令身形原本就纖瘦嘅佢顯得更加瘦削。不過武術導演就大讚李貞賢，為咗重演過去悲痛嘅歷史，辛苦減磅之餘更親身拍攝動作場面，甚至拎起5公斤嘅槍拍攝，相當專業。