陳嘉容師妹楊曉穎（Sharon）同中華文化小姐楊麗（Jill），今日去到尖沙嘴為其首次推出嘅寫真《不是o靚模》宣傳，兩人即場示範跳辣身舞。

Sharon表示，因為同Jill人係閨蜜，所以今次一齊影寫真，Sharon曾參選ViuTV嘅《美選D.n.A》，佢話：「今次喺書中有少少性感，自己本身係模特兒，性感比較易掌握，當中會有比堅尼、內衣同T-back，有英倫及電單車等主題。」

曾代表澳門賽區奪得中華文化小姐冠軍嘅Jill，希望拍攝寫真作新嘗試，Jill話：「今次由女性攝影師操刀，同時兩個女仔一齊影，巿面上比較少，首批會印2,000本。」