Sammi話可以嘅話,對象最好係圈外人,Sammi仲話自己好理智,佢追求快樂嘅家庭生活,而唔要浪漫咁浪迹天涯,佢仲諗過將來家庭生活嘅畫面。Sammi因為冇憧憬擁有一個世紀婚禮,所以最好唔擺酒。但遇上適當嘅時機,佢話自己會學陳慧琳(Kelly)咁喺演唱會公佈婚訊,一定唔會收收埋埋。
Sammi直認愛情路上十分失敗,可能佢太過將火力集中喺事業上,同時又對浪漫冇乜特別要求,總之比較之下,佢覺得自己喺愛情上嘅成績唔夠工作出色。
諗番喺娛樂圈工作多年,Sammi講咗一啲待人處事方面嘅經歷?佢話︰「可能係脾氣方面,要具體咁講就真係唔記得,只係記得我唔會刻意隱藏自己嘅情緒。」Sammi話好多謝導演杜琪峯對佢嘅包容。
君如仲踢爆Sammi鍾意照鏡嘅小動作,話佢見到鏡或任何反光物件都會照一大餐,難怪君如笑佢可以將塊鏡掛住出街啦!