【講笑搵第二樣】鍾嘉欣玉手驚現疤痕 自爆「被家暴」
蘋果日報 2019/09/21 16:30
抗議鍾嘉欣家暴
鍾嘉欣（Linda）今日到淺水灣出席慈善活動，她透露此行專程從加拿大返港開工，一身白衣造型的她比之前更纖瘦，不過左手上顯見一處疤痕，她笑言被指家暴，後來解釋說：「之前為仔女舉行生日派對，招待70人，同老公一齊炮製大餐，佢煮牛扒雞翼，我煮千層闊條麵，來回焗爐之間辣陣，自己又衰不斷抓佢，搞到發炎留疤痕。」
Linda看見一對子女日漸長大，1歲囝囝Jared變成大力士，3歲大家姐Kelly相對細力斯文，Linda說：「家姐係Mini me，嘉欣BB，對藝術充滿天份，鍾意跳舞唱歌，音準嚇親我。細佬就好知自己要乜，仲一定要得到，成日搶家姐公仔，好大力一手就搶咗，搞到家姐成日都求救，但細佬太細，冇得教住，惟有對家姐作出多啲解釋。」
Linda透露今次回港短短一日半，一對寶貝交由老公照顧，但媽媽一離開子女身邊即收到抗議，Linda說：「阿女賴尿賴濕床單，阿仔平日一次便便，我一走咗就4、5次，老公叫我快啲返去，佢好可憐，但係好經歷同好好回憶，呢啲係而家同將來笑料。」
採訪：卓寶花
攝影：林賓尼
攝影：林賓尼
（左圖攝影：林賓尼）
Linda今天出席活動時，主動與在場小朋友交談。
Linda說此行回港一日半，子女交給老公照顧。
Linda透露手上傷疤因被焗爐燙傷造成。