2015年「被失蹤」的銅鑼灣書店店長林榮基稱，今早知道有香港眾志成員被扣留都感到擔心，得知他們在當日均被釋放都算鬆一口氣。他指，當年被帶走後曾被要求坐在犯人椅上，即使他仍可揮動手腳，但身體因被扣在椅上，不能離開，旨在威嚇多於實際。但他則未被要求戴上測謊儀器。

林榮基狠批：「大陸宜家做法都有多少亂嚟，以前如果香港出咩嘢問題，會影響台灣關係，就有顧忌，宜家都無顧忌，係一種戰時狀態，今日唔知聽日咩嘢事，就放膽做。」他認為內地今次舉動是要因「攞唔到料」，所以「夾硬嚟」，同時要散播白色恐嚇，「警告你哋依班人以後唔好番上去，或者年輕人以後參加呢啲組織，就有可能有好嚴重嘅後果。」

作為過來人，林指銅鑼灣書店事件後，直到今年初立法會補選期間，仍感覺被人跟蹤。他坦言大家或「盡量唔番上去(內地)」，參與政治者要衡量自己能力和會否影響家人，自己在香港生活有否受到影響，例如電話、跟蹤等，「依個係好現實嘅問題，你自己要計一計。」他同時提醒，要留意個人手機、電郵安全，以免資料外泄。