大家仲記唔記得電影《阿郎的故事》首主題曲《也許不易》呢？相信睇港產片長大嘅一輩一定記得，而《也許不易》嘅原唱者李健達，噚晚同新人程芷渝喺九展擔任一個慈善音樂會嘉賓。

《也許不易》當年唱到街知巷聞，李健達話：「係呀！去到邊度都要唱，係被迫的，每次去到節目表演都要唱，都係多謝支持，自己試過唔唱，觀眾唔肯走會噓，好似好失望咁，新一代0依家先睇嗰套戲，睇咗都鍾意，我知道有年輕人改成國語版，不過始終係粵語版受歡迎啲！」

之前李健達係一個200磅肥佬，佢用咗10個月減50磅，0依家就158磅，佢話係主要靠運動同節食:「我喺5月上咗個加拿大節目，佢哋叫我拍短片介紹，之後會出書講減肥心得。」李健達表示係因應自己嘅血型揀選某啲肉食：「以前自己讀書讀腦科，知道西方化學物對人身體好虛弱，中藥好，天然嘢醫治好多病。」