周中輪到國際賽做主角,當中除了幾場歐洲國家盃外圍賽較具競爭意義外,喺球會本身已經頻密嘅賽期中,仲要打無關痛癢嘅太公波,合埋眼博和波都冇咩錯。
首先推介塞爾維亞主場和挪威1:1;塞爾維亞世界盃後,由基文廸接手執教;呢位西班牙人講求效率同紀律,對球隊幫助好大,唔用華而不實嘅基斯文,已經係一大成功之處。不過塞軍攻力始終平平,近3仗主場賽事中,有兩場只入1球,對手更只係比利時同阿塞拜疆呢啲二、三線球隊。挪威呢支北歐兵復蘇中,對巴西都可以踢成1:1,大家鬥體力化,挪威?對唔輸蝕,一於再博雙方打成1:1和波收場。