朱凱廸指,不少關注團體早在2007年已提出改革《古物及古蹟條例》,希望評級古物建築不被清拆,時任發展局局長兼任古物事務監督的林鄭月娥卻只提出活化歷史建築伙伴計劃,斥林鄭未能真正解決問題,「唔係拎幾億出嚟搞伙伴計劃就係保育」,強調「呢個問題係佢(林鄭)留畀自己,𠵱家做咗特首,唔好話乜都做唔到」。
據古蹟辦資料顯示,截止今年3月,過去4年已有17幢歷史建築被拆卸,包括一幢一級歷史建築、3幢二級歷史建築及7幢三級歷史建築,其中屬一級歷史建築的山頂道大宅何東花園,於2011年曾被政府列為暫定古蹟作「搶救」,政府與業主商討保育一年後,大宅逃不過拆卸命運,2014年有傳媒發現大宅主樓已夷平。
■記者張文鈴